कास्कीको पोखरामा आजदेखि राष्ट्रिय औद्योगिक व्यापार मेला एवम् आईटी महोत्सव शुरू हुँदैछ ।
नयाँबजारमा रहेको प्रदर्शनी केन्द्रमा व्यापार मेलासँगै १२ औं क्यान इन्फोटेक तथा चौथो मोबाइल एक्सपो–२०२५ आयोजना गरिएको छ ।
‘लगानीको सम्बर्द्धन स् उद्योग व्यवसायको प्रवर्द्धन’ नाराका साथ आयोजना भएको मेलामा औद्योगिक,कृषिजन्य, हस्तकलाका उत्पादन, सूचना प्रविधि, शिक्षा, स्वास्थ्य, पर्यटनलगायतको प्रवर्द्धन तथा बजारीकरण, अन्य प्रदेशका निजी क्षेत्रले अवलम्बन गरेका असल अभ्यास, आवश्यक सहकार्य र गण्डकीमा लगानी आकर्षित गर्ने उदेश्य रहेको आयोजक पोखरा उद्योग वाणिज्य सङ्घले जनाएको छ ।
मेलामा देशका सातवटै प्रदेशका मौलिक र हस्तकलाका उत्पादनको प्रदर्शनी, औद्योगिक उत्पादन, घरायसी सामान, कम्प्यूटर र मोबाइल, पुष्प प्रदर्शनीलगायत रहेका छन् ।
गण्डकी प्रदेशमा रहेका ठूला, मझौला र साना उद्योगको उत्पादन, रोजगारी सिर्जना, नयाँ सम्भावनाको खोजी, प्रविधि र अरु ठाउँमा भइरहेका असल अभ्यासलाई समावेश गर्ने सक्दो प्रयास गरिएको आयोजकले जनाएको छ ।
मेलाको गण्डकी प्रदेशका मुख्यमन्त्री सुरेन्द्रराज पाण्डेले उद्घाटन गर्ने पोखरा उद्योग वाणिज्य सङ्घका अध्यक्ष गोकर्ण कार्कीले जानकारी दिनुभयो । सङ्घका महासचिव शोभा गौतमका अनुसार मेलामा निजी क्षेत्रबीच सहकार्य र सम्भावनाबारे पनि छलफल हुनेछ ।
—
सम्बन्धित खबर
प्रतिक्रिया दिनुहोस
ट्रेन्डिङ
गण्डकी कप महिला फुटबल प्रतियोगिता आगामी असार
प्रथम लायन्स कप अन्तर्राष्ट्रिय भलिबलको तयारी
भर्खरै प्रकाशित
आज दशैँको चौथो दिन कुष्माण्डा देवीको पूजाआराधना गरिँदै
सराङ्गकोट बहुृद्देश्यीय सहकारीको अध्यक्षमा बानियाँ
सराङ्गकोट बहुृद्देश्यीय सहकारीको अध्यक्षमा बानियाँ