पृथ्वी यातायात सहकारी संस्थाको तेस्रो वार्षिक उत्सवको अवसरमा विद्यार्थीहरुलाई न्यानो कपडा सहित विद्यालय हातामा सरसफाई गरीएको छ । 

संस्थाले अन्नपूर्ण गाउँपालिका सल्यानमा रहेको श्री बराह आधारभूत विद्यालयका विद्यार्थीहरुलाई न्याना कपडा र स्टेश्नरी सहित विद्यालय वरपर सफाई गरीएको संस्थाका प्रबन्धक सपना रेग्मीले बताइन ।

पृथ्वी राजमार्ग बस समितिमा आवद्ध यातायात व्यवसायीहरुको हकहित सहित आर्थिक सहभागिताका लागी शुरु गरीएको संस्थामा  यातायात व्यवसायीहरु आवद्ध रहेका छन् । 

सो कार्यक्रममा पोशाक वितरण गर्दै संस्थाका अध्यक्ष योगेन्द्र बहादुर के.सी. ले सहकारी कारोबार, सदस्य सेवा सङ्गै संस्थाले सामाजिक कार्यहरु पनि गर्दै आएको बताए ।

विद्यालय व्यवस्थापन समितिका  अध्यक्ष तायकाजी गुरुङ्गको सभापतित्वमा भएको कार्यक्रममा प्रधानध्यापक प्रेम बहादुर के.सी., शिक्षक अभिभावक संघका अध्यक्ष धनबहादुर के.सी., पृथ्वी राजमार्ग बस समितिका वरिष्ठ प्रवन्धक ज्ञान बहादुर के.सी.ले आ आफ्ना धारणा राखेका थिए ।
 

—