गायक लक्ष्मीप्रसाद जोशीको ८८ वर्षको उमेरमा निधन भएको छ । झापाको दमक–१ आफ्नै निवासमा हिजो बेलुका बेहोस हुनुभएका उहाँको उपचारका क्रममा लाइफ लाइन अस्पतालमा निधन भएको हो । वि.सं. १९९३ मा धनकुटा बजारमा जन्मनुभएका गायक जोशीलाई जनस्तरबाट ‘लोकगीतका सम्राट’को उपाधि दिइएको थियो ।

उहाँले ‘रिटिङ रिटिङ नबजाऊ बिनायो’, ‘वल्लो खोलो पल्लो खोलो, कमिलाको गोलो हजुर’, ‘कान्छी मट्याङट्याङ’ लगायत दर्जनौँ कालजयी गीत गाउनुभएको थियो । उहाँ पूर्वेली लोकभाकाका  गीत गाउनुहुन्थ्यो ।उहाँ चित्रकार र अभिनेता पनि हुनुहुन्थ्यो ।

—