भारतको केरलामा निपाह भाइरसका कारण १४ वर्षीय बालकको ज्यान गएकाे छ।   स्थानीय सरकारले मानिसहरूलाई सार्वजनिक क्षेत्रमा मास्क लगाउन र अस्पतालमा मानिसहरूलाई भेट्न नजान अनुरोध गरेको  छ ।

अस्पताल जान परेमा उच्च सावधानी अपनाउन समेत भनिएको छ । त्यहाँको स्वास्थ्य मन्त्रालयका अनुसार थप ६० जनामा भाइरसको संक्रमण जोखिम उच्च देखिएको छ । केरलाका स्वास्थ्यमन्त्री वीणा जर्जले मृतक बालकको सम्पर्कमा आएकाहरूलाई अलग्गै राखेर परीक्षण गरिएको जानकारी दिनुभएको छ ।

 डब्ल्यूएचओले यो रोगले महामारी रूप लिन सक्ने भन्दै उच्च सतर्कताका लागि सबैलाई अनुरोध गरेको छ ।

—