भारतकाे सिक्किममा आएकाे बाढी परि इलामका १० जना बेपत्ता भएका आशङ्का गरिएकाे छ । इलाम नगरपालिका-९ का उनीहरु सिक्किममा बाढी आएकाे दिन असाेज १७ गते बुधवारदेखि सम्पर्कविहीन भएका हुन् ।

बेपत्ता हुनेहरुमा  इलाम नगरपालिका–९ का सानु भनिने सेनबहादुर कार्की, लाक्पा शेर्पा, नरमाया बस्नेत, खुशी बस्नेत, कुमार बस्नेतलगायत रहेका छन् । 

उनीहरुका आफन्तले नेपाल सरकारसमक्ष खाेजीका लागि आग्रह गरेका इलामका प्रमुख जिल्ला अधिकारी श्रवणकुमार पोखरेलले जानकारी दिनुभयाे ।

पाेखरेलले उनीहरु बेपत्ता भएका जानकारी आएकाे बताउनु भएकाे छ । बाढीप्रभावित सिक्किममा पुग्न कठिन भएकाे र उनीहरुकाे खाेजीका लागि समस्या भएकाे उहाँले बताउनु भयाे । 

उहाँले बेपत्ताहरुकाे खाेजीका लागि सिक्किमका सुरक्षाकर्मीसँग कुराकानी भइरहेकाे जानकारी दिनुभयाे । 

—