logo
Logo Side Banner

रविसहित ५ जनालाई बयानका लागि अदालतमा उपस्थित गराइयो

News LogoSita 4 महिना अगाडि
87 2 minutes read

पूर्वगृहमन्त्री एवं रास्वपा सभापति रवि लामिछानेसहित ५ जनालाई बयानका लागि कास्की जिल्ला अदालतमा उपस्थित गराइएको छ।

रविसहित पूर्वडीआईजीसमेत रहेका गोर्खा मिडियाका पूर्वउपाध्यक्ष छविलाल जोशी, जीबी राईका साझेदार नेचर हर्ब्सका रामबहादुर खनाल, लिला पछाइँ र सूर्यदर्शन सहकारीका सञ्चालक कृष्ण गुरुङलाई आज बिहान अदालतमा उपस्थित गराइएको हो ।

हिजो आइतबार जिल्ला सरकारी वकिलको कार्यालय, कास्कीले लामिछानेसहित ३१ जनाविरुद्ध सहकारी ठगीमा मुद्दा दायर गरेको थियो। लामिछानेमाथि सहकारी ठगीसँगै सङ्गठित अपराध र सम्पत्ति शुद्धीकरण कसुरमा समेत मुद्दा दायर भएको छ।

जिल्ला अदालत कास्कीका सूचना अधिकारी सुरज अधिकारीले लामिछाने, छविलाल जोशीसहित अदालतमा उपस्थित गराइएका पाँच जना प्रतिवादीको बयान सुरु भएको जानकारी दिए। 

—

प्रतिक्रिया दिनुहोस